भक्तपुर । जुवा खेलिरहेका पाँच जना पक्राउ भक्तपुरमा जुवा खेलिरहेको अवस्थामा प्रहरीले पाँच जनालाई पक्राउ गरेको छ।
शनिबार दिउँसो सवा ३ बजे सूर्यविनायक नगरपालिका-८ गणेश मन्दिर नजिकै ‘प्याचा’ नामको जुवा खेलिरहेको अवस्थामा प्रहरीले पाँच जनालाई पक्राउ गरेको जिल्ला प्रहरी परिसर भक्तपुरका डिएसपी ढुण्डिराज न्यौपानेले जानकारी दिए।
पाँच जनाबाट प्रहरीले ३ लाख ५६ हजार ५०० रुपैयाँ बरामद गरेको छ।
जुवा खेलिरहेको भन्ने सूचना पाएपछि प्रहरी वृत्त जगातीबाट प्रहरीको टोली खटिएको थियो।
उक्त टोलीले पाँच जनालाई पक्राउ गरी अनुसन्धान अघि बढाएको छ।
पक्राउ पर्नेमा धादिङका दिनेश दाहाल, भक्तपुरका शिवराम श्रेष्ठ, राजु नकर्मी, उमेश श्रेष्ठ र पदम श्रेष्ठ छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
Share this:
