‘इन्दिरा गोले बचाउ अभियान’ बाट संकलित ५१ लाख ३८ हजार आर्थिक सहयोग हस्तान्तरण

काठमाडौं । तामाङ सेलो गायिका इन्दिरा गोलेलाई ‘इन्दिरा गोले बचाउ अभियान’ बाट संकलन भएको आर्थिक सहयोग हस्तान्तरण गरिएको छ। विभिन्न व्यक्ति र संस्थाबाट सङ्कलित रकम गायिका गोलेलाई शनिवार हस्तान्तरण गरिएको सङ्घका कोषाध्यक्ष सुजन कुमार मोक्तान(बैरागी)ले जानकारी दिए ।

अभियानबाट सङ्कलित रकम ३५ लाख २८ हजार ४३७ र बिरामीलाई प्रत्यक्ष १६ लाख १० हजार २७३ रुपैयाँ गरी ५१ लाख ३८ हजार ७१० रुपैयाँ हस्तान्तरण गरिएको हो ।

गायिका गोले केहि समयदेखि क्यान्सरको उपचार गर्दै आइरहेकी छन् । उनको स्वास्थ्य अवस्था गम्भीर भएपछि तामाङ कलाकार सङ्घको संयोजकत्वमा म्हेन्दोला फोले फाउन्डेसन र तामाङ डाजाङ संयोजन सदस्य रहने गरी ‘गायिका इन्दिरा गोले बचाउ अभियान’ सुरु गरी सहयोग जुटाउन पहल गरिएको थियो ।

कलाकार सङ्घले गोलेलाई बचाउन एकजुट हुँदै उपचारका लागि विशेष पहल गरिरहेका छन् । एक महिनाको अभियानबाट संकलित रकम हस्तान्तरण पछी गायिका गालेले सबै सहयोगी दाताहरूलाई धन्यवाद व्यक्त गरेकी छन् ।