काठमाडौं । नेपाली कांग्रेसका महामन्त्री विश्वप्रकाश शर्माले ८४ सम्म कांग्रेस प्रतिपक्षमा बस्न तयार रहेको बताएका छन् ।
भृकुटीमण्डपमा आइतबार आयोजित विरोध सभालाई सम्बोधन गर्दै शर्माले सो कुरा बताएका हुन् ।
त्यस्तै सहकारीको रकम अनियताबारे छानबिन समितिबाट गृहमन्त्री रवि लामिछाने ठगी नगरेको प्रमाणित भए माला लगाउन आफैँ जाने बताए ।
“विवाहको कार्डमा बेहुलाको नाम नलेख पनि हुन्छ ? परीक्षा दिन बसेको विद्यार्थीले आफ्नो रोल नम्बर वा नाम नलेखे पनि हुन्छ ? यो आकासे समितिबाट छानबिन हुन्छ ?,” उनले भने, “हिम्मत राख्नुस् दह्रो मुटु राख्नुस्, ठगी गर्नुभएको छैन भने छानबिनबाट प्रमाणित हुन्छ । माला लगाउन हामी आफैँ आउँला ।”
