रामेछाप । मन्थली नगरपालिका वडा नम्बर -१० चनखुमा यसबर्ष पनि सोनाम ल्होछार मनाउने भएको छ । “तामाङ भाषा,कला धर्म र संस्कृति हाम्रो पहिचान ,यसको संरक्षण र प्रवर्द्धन गर्ने हाम्रो अभियान ” भन्ने मुल नाराको साथमा ह्याङ्ला ह्युल सामुदायिक संस्थाले गर्दै आइरहेको ल्होछार कार्यक्रम माघ १७ गते गर्न लागेको संस्थाको अध्यक्ष कुलमान योन्जनले जानकारी दिए ।
तामाङको १२ वटा वर्गमा प्रत्येक बर्षमा एउटा वर्गलाई विदाई गर्दै अर्कोलाई स्वागत गरेर सोनाम ल्होछार मान्ने गरेको छ । यसपटक गडुल वर्गलाई विदाई गर्दै सर्प वर्गलाई स्वागत गरेर कार्यक्रम गर्न लागेको आयोजक संस्थाले बतायो ।
कार्यक्रममा तामाङ मौलिक डम्फु नाचको साथमा विभिन्न मौलिक नृत्यहरु देखाइने आयोजकले जनाएको छ ।
चनखुमा ह्याङ्लाले २०७४ सालदेखि निरन्तर रूपमा ल्होछार कार्यक्रम गर्दै आइरहेको छ ।
