काठमाडौं । सेन्ट्रल एसियन (काभा) पुरुष अन्तर्राष्ट्रिय क्लब भलिबल च्याम्पियनसिप २०२४ मा गण्डकी प्रदेश भलिबल संघ लिग चरणबाटै बाहिरीएको छ ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा बिहीबार सम्पन्न भएको लिग चरणको अन्तिम खेलमा गण्डकी भारतको क्यालिकट हिरोजसँग ३-० को झोसो सेटमा पराजित भएको हो । चौथो खेल पराजित भएसंगै गण्डकी लिगबाट बाहिरीएको हो ।
गण्डकी क्रमशः २२-२५, १९-२५ र १५-२५ ले पराजित भयो । यसअघि गण्डकीले लगातार तेस्रो हार व्यहोरिसकेको थियो ।
