काठमाडौं । प्रमुख प्रतिपक्षी दल नेपाली कांग्रेसले सहकारी ठगीविरुद्ध सडक आन्दोलन गर्ने भएको छ।
नेपाली कांग्रेसको केन्द्रीय कार्यसमिति र संसदीय दलको बैठक सानेपामा जारी छ। उक्त बैठकले सडक आन्दाेलन गर्ने निर्णय गरेकाे हाे ।
कांग्रेसले देशभरका सहकारी पीडितलाई संगठित गर्ने रणनीति पनि तय गरेकाे छ।
कांग्रेसले प्रथम चरणमा शुक्रबार भृकुटीमण्डपबाट सुरु गर्ने र सहकारीपीडित बढी भएका सहरहरू पोखरा, चितवन, रुपन्देहीलगायत देशभर आन्दोलन गर्ने कार्यक्रम तय भएकाे छ।
कांग्रेसले सहकारी प्रकरणमा गृहमन्त्री रवि लामिछानेकाे राजीनामा माग गर्दै सदन अवरुद्ध गर्दै आइरहेकाे छ।
