रामेछाप । पूर्व नेपाल कम्युनिष्ट पार्टी (एमाले) जिल्ला सदस्य तथा राष्ट्रिय स्वतन्त्र पार्टी प्रति आस्था राख्दै आएका नेता केशब घिमिरे नेपाल कम्युनिष्ट पार्टी (नेकपा) मा प्रवेश गरेका छन्।
एक कार्यक्रमका बीच घिमिरेलाई पार्टीका जिल्ला नेताहरूले स्वागत गरेका हुन्।
प्रवेश कार्यक्रममा बोल्दै घिमिरेले देशको राजनीतिक परिस्थितिमा वाम एकता आवश्यक रहेको उल्लेख गर्दै विचार र सिद्धान्त नजिक भएकै कारण नेकपामा आवद्ध हुने निर्णय गरेको बताए। उनले जनताको पक्षमा दृढतापूर्वक काम गर्ने प्रतिबद्धता व्यक्त गरे।
कार्यक्रममा उपस्थित नेताहरूले घिमिरेको आगमनले संगठन सुदृढ हुने विश्वास व्यक्त गरेका थिए। स्थानीय तहमा उनको प्रभावका कारण पार्टी गतिविधि थप सक्रिय हुने अपेक्षा गरिएको छ।
