पूर्वउपराष्ट्रपति नन्द किशोर पुन पासाङका छोरा दीपेश पुनलाई भैरहवा लगिएको छ। रुपन्देहीमा सहकारी ठगीसम्बन्धी मुद्दामा उनीविरुद्ध यसअघि नै पक्राउ पुर्जी जारी भएको थियो।
उनलाई शुक्रबार साँझ जहाजमार्फत भैरहवा पठाएको हो । रुपन्देहीका एसपी रञ्जितसिंह राठौरले रुपन्देहीको सुप्रिम बचत तथा ऋण सहकारी संस्थाका सर्वसाधारणको बचत हिनामिनामा संलग्न भएको आरोपमा अनुसन्धान गर्न लगिएको बताए।
उनी सुन तस्करीमा संलग्न भएको आरोप पनि छ । सोही आरोपमा प्रहरी प्रधान कार्यालयको विशेष टोलीले उनलाई धुम्बाराइबाट पक्राउ परेको थियो ।
पूर्वउपराष्ट्रपति नन्दबहादुर पुन पासाङका छोरा त्रिभुवन अन्तर्राष्ट्रिय विमानस्थलबाट तस्करी भई आएको ६०.७१६ सुन तस्करी घटनामा संलग्न रहेको अभियोगमा दीपेश पुन धुम्बाराहीबाट पक्राउ परेका छन् ।
नेपाल प्रहरीका केन्द्रीय प्रवक्ता डिआइजी भीम ढकालले धुम्बाराहीबाट पुन पक्राउ परेको जानकारी दिए । उनले भने, ‘दीपेश पुन पक्राउ परेका छन् । उनलाई नेपाल प्रहरीले धुम्बाराहीबाट पक्राउ गरेको हो ।’
घटनमा जाेडिएका पुनलाई यसअघि नेपाल प्रहरीको केन्द्रीय अनुसन्धान ब्युरो ( सिआइबी)ले उन्मुक्ति दिएको थियो । गत २ साउनमा बरामद भएको तस्करीको सुन प्रकरणमा पूर्वन्यायाधीश डिल्ली आचार्य नेतृत्वमा गठित जाँचबुझ आयोगको सिफारिसका आधारमा पुनलाई पक्राउ गरिएको हो ।
सुन तस्करी प्रकरणमा जोडिएकाहरूलाई कारबाही अघि बढाउन प्रधानमन्त्री पुष्पकमल दाहाल प्रचण्डले पनि उपप्रधानमन्त्री एवं गृहमन्त्री रवि लामिछानेलाई आज बिहान निर्देशन दिएका थिए । आजै बसेको मन्त्रिपरिषद् बैठकले आयोगको प्रतिवेदन कार्यान्वयमा लैजाने निर्णय गरेलगत्तै दीपेश समातिएका हुन्
रामेछाप । रामेछाप नगरपालिका वडा नं ९ टारमा भएको आगोलागी पीडितलाई मन्थली नगरपालिकाले सहयोग गरेको छ । शुक्रबार १३ बोरा २५ किलोको चामल, १३ बाेरा १० किलोको चिउरा र १३ कार्टुन चाउचाउ आगोलागी पिडितलाई सहयोग गरेको मन्थली नगरपालिकाका मेयर लव श्रेष्ठले खबर पेटिका लाई जानकारि दिए ।
‘रामेछाप नगरपालिका संग छलफल गरेर आगामी दिनमा थप सहयोग गर्ने र भोलि विपत व्यवस्थापनको बैठक बसेर कुन पालिकाले के कति सहयोग गर्ने भन्ने निर्णय हुँदैछ’ मेयर श्रेष्ठले भने ।
पीडितलाई राहत वितरण गर्न क्रममा मन्थली नगरपालिकाका मेयर लव श्रेष्ठ, उप-मेयर इश्वोरी बस्नेत र प्रमुख प्रशासकीय अधिकृत हरि प्रसाद चापागाई लगायतको उपस्थिति रकेहकाे थियाे ।
बिहिबार दिउँसाे जंगलमा लागेको आगो बस्तीमा पसेर १२ घर परिवारको १४ घर पूर्ण रूपमा जलेर नष्ट भएको,दुई दर्जन भन्दा बढी घरमा क्षति भएको सोही वडाका वडा अध्यक्ष चन्द्रबहादुर श्रेष्ठले बताए । आगोलागीमा परेर गोठमा बाँधिएका गाई, भैँसी, गोरु र ५० वटा भन्दा बढी खसीबाख्रा आगोले जलेर मरेका थिए ।
रामेछाप । विहिबार रामेछाप नगरपालिका ९ स्थित टार गाउँमा भएको आगोलागि बाट पिडित भएकाहरुलार्ई तत्काल राहतको व्यवस्था गर्न प्रधानमन्त्री पुस्प कमल दाहाल(प्रचण्ड) लाई बाग्मती प्रदेश सभा सदस्य तारानाराय श्रेष्ठले अनुरोध गरेका छन ।
शुक्रबार प्रधानमन्त्री निवास बालुवाटारमा प्रचण्डलाई भेटेर रामेछाप जिल्ला प्रदेश सभा १ बाट निर्वाचित सांसद श्रेष्ठले अग्नी पिडितहरुलाई तत्काल राहतको व्यवस्थापनको लागि अनुरोध गर्दै पत्र बुझाएका हुन् ।
भेटमा प्रधानमन्त्री प्रचण्डले सम्बन्धित पक्षसँग समन्वय गरेर सरकारको तर्फबाट अग्नी पिडितहरुलाई गर्नुपर्ने जिम्मेवारी बाट पछि नहट्ने प्रतिबद्धता जनाएको सांसद श्रेष्ठले खबर पेटिकालाई बताए । ‘हिजो रामेछापको टारमा जुन आगोलागि भएको छ । त्यो दुखद छ । आज प्रधानमन्त्रीलाई भेटेर घटनाको बारेमा जानकारी गराएर राहतको लागि अनुरोध गरेको छु, ।’ सांसद श्रेष्ठले भने ‘प्रधानमन्त्री ज्युले सकारात्मक रुपमा लिनुभएको छ । उहाँले सम्बन्धित पक्षसँग समन्वय गरेर राहतको व्यवस्था गर्ने बताउनुभएको छ ।’
सांसद श्रेष्ठले विहिबार दिउँसो अन्दाजी १ बजेतिर भीषण आगलागि भई स्थानीय बासिन्दाको घर गोठ,पशु चौपाया, लत्ता कपडा तथा अन्नपातको पुर्ण क्षती भई सिंगो गाउँ नै घरबास विहिन भएको उल्लेख गरेका छन् । त्यस्तै उनले बाग्मती प्रदेशका मुखयमन्त्री शालिकराम जमकटेललाई पनि राहतको लागि अनुरोध गरिएको जानकारी दिए ।
