काठमाडौं । कोसी प्रदेशसभाको बैठक आज दिउँसो १ बजे बस्ने भएको छ ।
कोसी प्रदेशसभा नियमावली, २०७४ को नियम ६ को उपनियम ३ बमोजिम बैठक बस्न लागेको कोसी प्रदेशसभा सचिवालयका सचिव गोपालप्रसाद पराजुलीले जानकारी दिए ।
यसअघि भदौ १८ मा बैठक बस्ने तय गरिएको थियो । विशेष कारण भन्दै आजका लागि बैठक बोलाइएको हो ।
गत असार ८ गते १३औँ बैठक बसेपछि अर्को सूचना जारी नभएसम्मका लागि कोसी प्रदेशसभाको बैठक स्थगन भएको थियो ।
मन्त्रीमण्डललाई पूर्णता दिएर आज प्रदेशसभाको बैठक बस्ने भनिएको मुख्यमन्त्रीको चाहना काँग्रेसको कारण पुरा नहुने भएके छ । काँग्रेसले मन्त्रीको नाम टुँगो लगाउन नसक्दा मन्त्रीमण्डल विस्तारमा समस्या भएको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Share this:
