रामेछापको लिखुमा बस दुर्घटना: ७ जना घाइते,दुई जनाको अवस्था गम्भीर

काठमाडौं । रामेछापको लिखु तामाकोसीमा बस दुर्घटना हुँदा ७ जना घाइते भएको छ । काठमाडौँतर्फ आउँदै गरेको अरनिको यातायातको बा ५ ख ५६२५ नम्बरको बस शुक्रबार बिहान लिखु तामाकोसी गाउँपालिका-६ खिम्ति केउरिनीस्थित बिर्ताडाँडा भन्ने ठाउँमा दुर्घटना भएको हो ।

जिल्ला प्रहरी कार्यालय रामेछापका सूचना अधिकारी प्रहरी निरीक्षक कौशल न्यौपानेकाअनुसार घाइतेमध्ये २ जनाको स्वास्थ्य अवस्था गम्भीर छ । बसमा २५ जना सवार रहेको थियो ।

 घटनाको थप विवरण आउन बाँकी छ ।