रामेछाप । मन्थली नगरपालिकाले आगामी आर्थिक वर्ष २०८१/०८२ को लागि १ अर्व १ करोड ९७ लाख ८१ हजारको बजेट ल्याएको छ ।
नगरपालिकाको उपप्रमुख ईश्वरी बस्नेतले सार्वजनिक गरिएको बजेटमा चालु तर्फ ७० करोड ३५ लाख १० हजार र पुँजीगत तर्फ ३१ करोड ६२ लाख ७१ हजार रहेको छ ।
कुन क्षेत्रमा कति बजेट ?
नगर उपप्रमुखबाट प्रस्तुत गरिएको आ.व ०८१/८२ को बजेट वक्तव्य
पूर्वाधार विकास तर्फ :
१. नगर वडा साझेदारी : विकासमा बराबरी भन्ने आशयलाई मूर्तरूप दिन सम्बन्धित वडाले न्यूनतम रु २० लाख साझेदारी गरेमा नगरबाट शतप्रतिशत
रकम थप गरी त्यस्ता आयोजनामा रु ४० लाख रकमका आयोजना संचालन हुनेगरि कार्यक्रम संचालनका लागि रू २ करोड ८० छु लाख
२. विभिन्न भैपरी दायित्वका लागि रू १५ लाख
३. मन्थली नगरक्षेत्रभित्र फोहोरमैलाको उचित व्यवस्थापन गर्न ल्याण्डफिल्ड साईट निर्माणका लागि रू ५० लाख
४. पूर्वाधार क्षेत्र अन्तर्गत संचालन हुने आयोजनाको गुणस्तर परीक्षण गरी आयोजनामा निर्माणको गुणस्तर परीक्षण गर्ने ल्याव निर्माणको लागि रु २० लाख
आर्थिक विकास क्षेत्र :
१. कृषि क्षेत्र समग्र विकासका लागि रु ६० लाख
२. पशुपंक्षी विकासका समग्र कार्यक्रमहरु सञ्चालनका लागि रु ७० लाख
३. सहकारी संस्थाहरुको नियमन गरी सुशासन प्रवर्द्धन गर्ने उद्देश्यका साथ समग्र सहकारी गतिविधि मार्फत सहकारी क्षेत्रको प्रवर्धन र सहकारी सुशासनका लागि लागि रू. १५ लाख
४. लघु उद्यम विकास कार्यक्रम सञ्चालनका लागि रु ३० लाख
५. सांस्कृतिक तथा धार्मिक ऐतिहासिक तथा पुरातात्विक बस्तुहरूको संरक्षण र सम्बर्धनको लागि रु २५ लाख
सामाजिक विकास तर्फ :
१. शिक्षा युवा तथा खेलकुदको समग्र कार्यक्रम सञ्चालन गर्न रु ५ करोड ३२ लाख
२. स्वास्थ्य सेवाका समग्र कार्यक्रमहरु सञ्चालन गर्न रु २ करोड ५ लाख
३. सार्वजनिक उद्यान तथा ‘ व्यायमशाला निर्माण गर्नका लागि रु २० लाख
४. नगरक्षेत्रभित्रका अत्यन्तै सुख्खाग्रस्त क्षेत्रको बासिन्दाको पिउनेपानीको व्यवस्थापन गर्नको लागि रु ३० लाख
‘दही मोही खाऔँ, कोल्डड्रिङ्स भगाऔँ’ नारा राखेर रामेछाप नगरपालिकाले ल्यायो ७३ करोड बजेट
Share this:
