बारा । जीतपुरसिमरा उपमहानगरपालिका–२१ अमलेखगंजबाट करिब २ सय ३६ किलो ७५० ग्राम गाँजासहित मिनिट्रक चालक पक्राउ परेका छन्।
इलाका प्रहरी कार्यालय अमलेखगंजको टोलीले सोमबार दिउँसो मकवानपुरबाट वीरगंजतर्फ आउँदै गरेको बा.२ ख ९५६९ नम्बरको मिनिट्रक तलासी गर्दा गाँजा बरामद गरेको हो। ट्रकको छतमाथि फल्स बटम बनाई त्रिपालले छोपेर राखिएको २८ वटा पोकामा गाँजा फेला परेको प्रहरीले जनाएको छ।
पक्राउ पर्नेमा मकवानपुर कैलाश गाउँपालिका–१० का ३८ वर्षीय रमेश रूम्बा रहेका छन्। उनीलाई आवश्यक अनुसन्धानका लागि प्रहरीले नियन्त्रणमा लिएको छ।
