काठमाडौं । साताको अन्तिम कारोबार दिन शुक्रबार नेपाली बजारमा सुनको मूल्य अहिलेसम्मकै उच्च विन्दुमा पुगेको छ।
नेपाल सुनचाँदी व्यवसायी महासंघका अनुसार शुक्रबार एक तोला सुनको मूल्य २ लाख ६ सय रुपैयाँ निर्धारण गरिएको छ। यससँगै सुनको मूल्य पहिलो पटक तोलामै २ लाख नाघेको हो।
महासंघले चाँदीको मूल्य पनि तोकेको छ, जसअनुसार शुक्रबार चाँदी २ हजार ३६० रुपैयाँ मा किनबेच भइरहेको छ।
बिहीबार एक तोला सुन १ लाख ९९ हजार ४०० र चाँदी २ हजार ३५० मा कारोबार भएको थियो। आज सुनमा १२ सय रुपैयाँ र चाँदीमा ५ रुपैयाँले वृद्धि भएको छ।
