काठमाडौं । सुनचाँदीको मूल्यमा शुक्रबार पुनः वृद्धि भएको छ। नेपाल सुनचाँदी व्यवसायी महासंघका अनुसार बिहीबारको तुलनामा शुक्रबार सुन प्रतितोला २ सय रुपैयाँले बढेको छ।
बिहीबार प्रतितोला १ लाख ९२ हजार ३ सय रुपैयाँमा कारोबार भएको सुन शुक्रबार १ लाख ९२ हजार ५ सय रुपैयाँमा पुगेको छ।
त्यस्तै, चाँदीको मूल्य पनि प्रतितोला १५ रुपैयाँले बढेको महासंघले जनाएको छ। बिहीबार प्रतितोला २ हजार २ सय ६५ रुपैयाँमा कारोबार भइरहेको चाँदी शुक्रबार २ हजार २ सय ८० रुपैयाँमा कारोबार भएको हो।
अन्तर्राष्ट्रिय बजारमा भने शुक्रबार सुनको मूल्य प्रति औंस ३३३४ अमेरिकी डलरमा कारोबार भइरहेको छ।
विशेषज्ञहरूका अनुसार अन्तर्राष्ट्रिय बजारमा डलरको दर, तेलको मूल्य र आर्थिक अनिश्चितताले बहुमूल्य धातुहरूमा प्रत्यक्ष असर पारिरहेको छ।
