काठमाडौं । काभा मेन्स भलिबल क्लब च्याम्पियनसिपको फाइनलमा टिप टप हेल्प नेपाल स्पोर्ट्स क्लब पुगेको छ ।
शुक्रवार माल्दिभ्सको क्लब एचडिसीलाई ३-० को सोझो सेटले पराजित गर्दै हेल्प नेपालले फाइनलमा पुगेको हो ।
लिग चरणमा दोस्रो भएको हेल्प नेपालले चौथो स्थानको एचडिसीलाई २५-१६,२५-१८,२५-२१ ले हराउँदै अन्तिम दुईको यात्रा तय गरेको हो ।
त्यसअघि इरानको यु १८ टोलीलाई ३-१ ले हराउँदै क्यालिकट च्याम्पियनसिपको फाइनलमा प्रवेश गरेको थियो ।
लिग चरणको खेलमा शीर्षस्थानमा रहँदै सेमिफाइनलमा पुगेको इरानको युवा टोलीले सुरूवात राम्रो गर्यो।पहिलो सेट २५-२१ ले जित्यो। खेलमा १-० को अग्रता बनायो। एक सेट गुमाएको क्यालिकटले सानदार कमब्याक गर्यो। २२-२५ को स्कोरमा इरानले दोस्रो सेट गुमायो।
क्यालिकटले खेललाई १(१ को बराबरीमा पुर्यायो। तेस्रो सेटमा पनि इरानलाई दबाबमा दिंदै २५-२० ले तेस्रो सेट जित्दा २-१ को अग्रता बनाउन सफल भयो। खेलमा फर्कने कोशिशमा रहेको इरानको टिमले चौथो सेटमा क्यालिकटलाई चुनौती दिएपनि २६-२४ ले चौथो सेट जित्दै फाइनलमा स्थान बनायो।
लिग चरणमा शीर्षस्थानमा रहेको इरानले पहिलो हार बेहोर्दा सेमिफाइनलबाट बाहिरिन पुग्यो ।
फाइनल खेल अन्तर्गत तेस्रो स्थानको खेल दिउँसो १:०० बजे र फाइनल दिउँसो ४:३० बजे सुरु हुने आयोजकले जनाएको छ ।
