दाङ । बालिकामाथि यौनजन्य व्यवहार गरेको आरोपमा पक्राउ परेका एक जना सशस्त्र प्रहरीका जवान प्रहरी हिरासतमा मृत फेला परेका छन्।
दाङको राप्ती गाउँपालिका वडा नम्बर १ भालुवाङस्थित २९ नम्बर ज्वालामाई गणमा कार्यरत सशस्त्र प्रहरी जवान रेवन पचभैया मगर घोराहीस्थित वडा प्रहरी कार्यालयमा सोमरबार बिहान मृत अवस्थामा फेला परेका जिल्ला प्रहरी कार्यालय दाङले जनाएको छ।
प्युठानको वडडाँडा घर भएका मगर आफ्नै कपडाको पासो लगाएर झुन्डिएको अवस्थामा सोमबार बिहान फेला परेको दाङका प्रहरी प्रमुख प्रहरी उपरीक्षक अर्जुन तिमल्सिनाले जानकारी दिए।
स्थानीय एक जना आठ वर्षीया र अर्की १४ वर्षीया नाबालिकामाथि यौनजन्य व्यवहार गरेको आरोपमा उनी कात्तिक ७ गते पक्राउ परेका थिए।
