काठमाडौँ । अविरल वर्षका कारण ललितपुरको इलाका प्रहरी कार्यालय टुंगुनको गाडी, मोटरसाइकल र एउटा स्कुटर बाढीले बगाएको छ । टुंगुन प्रहरी चौकीबाट बा।२ झ १९१८ नम्बरको गाडी र बा।२ व १२६९ नम्बरको मोटरसाइकल बगाएको प्रहरी वृत्त चापागाउँका डीएसपी डिलबहादुर मल्लले बताए ।
प्रहरी चौकीमा राखिएको एउटा स्कुटर पनि बगाएको छ । टुंगुनमा बैतर्णी र घडघडा सहितका ३ वटा खोलामा आएको बहावले गाडी र मोटरसाइकल बगाएको मल्लले जानकारी दिए । बाढीको कारण टुंगुनमा कार्यरत प्रहरीलाई त्यहाँबाट सुरक्षित ठाउमा सारिएको छ ।
