काठमाडौँ । अखिल क्रान्तिकारीको २३ औं राष्ट्रिय सम्मेलन असोज १० गते काठमाडौंको प्रदर्शनी मार्गस्थित बाल्मिकी क्याम्पसमा हुने भएको छ। सम्मेलन पार्टीका अध्यक्ष एवं पूर्व प्रधानमन्त्री पुष्पकमल दाहालले उद्घाटन गर्नेछन् ।
उपाध्यक्ष एवं प्रवक्ता जीपी मैनालीले सम्मेलनलाई विद्यार्थी आन्दोलनको महोत्सवको रूपमा लिँदै भव्य उत्साहका साथ सफल बनाउन संगठनका सम्पूर्ण कमिटी र विद्यार्थीहरूलाई अपिल गरेका छन् ।
सम्मेलनको कार्यतालिका अनुसार असोज १० गते बिहान ११ बजे उद्घाटन समारोह हुनेछ। त्यसपछि, असोज ११ मा विधान प्रतिवेदन प्रस्तुत गरिनेछ भने असोज १२ मा निर्वाचन हुनेछ । अन्त्यमा, असोज १३ गते पत्रकार सम्मेलनको आयोजना गरिने छ ।
