काठमाडौं । नेपाली कांग्रेसले पेरिस पारालिम्पिक– २०२४ मा ऐतिहासिक कांस्य पदक जित्न सफल पलेशा गोबर्धनलाई ५ लाख नगदसहित सम्मान गरेको छ । काँग्रेसले केन्द्रिय पार्टि कार्यालयमा आज एक कार्यक्रमको आयोजना गर्दै गोबर्धनलाई नगद सहित सम्मान गरेको हो ।
त्यस्तै कांग्रेसले प्रशिक्षक कविराज नेगीलाई नगद १ लाख ५० हजार रुपैयाँसहित सम्मान गरेको छ ।
उनीहरुलाई कांग्रेस पार्टी सभापति शेरबहादुर देउवाले नगदसहित सम्मान गरेका हुन् ।
सम्मान कार्यक्रममा युवा तथा खेलकुदमन्त्री तेजुलाल चौधरीलगायतको सहभागीता थियो । पलेशा पारालिम्पिकमा पदक जित्ने पहिलो नेपाली खेलाडी हुन् ।
पेरिसमा भएको पारालिम्पिक्समा के ४४ क्याटगोरी अन्तरगत मलिा ५७ केजीमुनी प्रतिस्पर्धा गरेकी पलेशाले कास्य पदक जितेकी थिइन् । यो नै नेपाली खेलाडीहरुले ओलम्पिकमा जितेको पहिलो पदक हो ।
