मकवानपुर । बागमती प्रदेश सरकारलाई दिएको समर्थन हाम्रो नेपाली पार्टीले फिर्ता लिएको छ । प्रदेश प्रमुखलाई पत्र लेख्दै सो दलले सरकारलाई दिएको समर्थन फिर्ता लिएको पार्टीको बागमती प्रदेश संसदीय दलका नेता शैलेन्द्रमान बज्राचार्यले जानकारी दिए ।
आफूहरूले प्रतिपक्षको भूमिकामा रहने गरी चैत ९ गतेदेखि सरकारको समर्थन फिर्ता लिएको उनले बताए।
२०७९ पौष २५ गते हाम्रो नेपाली पार्टी सहितको समर्थनमा नेकपा माओवादी केन्द्र बागमती प्रदेश संसदीय दलका नेता शालिकराम जम्कट्टेल नेतृत्वको वर्तमान सरकारलाई समर्थन दिएको थियो ।
केन्द्रमा सत्ता समिकरण फेरिएसँगै बागमती प्रदेशमा पनि सरकार पुनस्गठन हुने प्रक्रियामा रहेको छ । काङ्ग्रेसका छ जना मन्त्रीहरुले यसअघि नै राजिनामा दिइसकेका छन् भने एमाले सरकारमा आउने तयारीमा रहेका छन् ।
