उदयपुर । उदयपुरमा होली खेल्ने क्रममा सुनकोशी नदीमा डुबेर तीन बालबालिका बेपत्ता भएका छन्। आइतबार दिउँसो साढे २ बजे होली खेल्ने कोशी पुगेका त्रियुगा नगरपालिका-१४ साउने बजारका १२ वर्षीय रेखा मगर, ९ वर्षीय रिदम मगर र १२ वर्षीय लोकबहादुर मगर बेपत्ता भएका हुन्।
जिल्ला प्रहरी कार्यालय उदयपुरका प्रहरी नायव उपरीक्षक (डीएसपी) हरिनन्दन चौधरीका अनुसार बालबालिकाहरूको समूह होली खेल्दै धाप्लाङघाट पुगेर कोशीमा पौडी खेलेका थिए। ८ जनाको समूहमा रहेका उनीहरूमध्ये तीन जना बेपत्ता र पाँच जनाको स्थानीयले उद्धार गरेको उनले बताए। बेपत्ताको खोजी कार्य भइरहेको प्रहरीले जनाएको छ।
