काठमाडौं । तार्केश्वर नगरपालिका ४ बाट सोमबार एक जनालाई ट्राफिक प्रहरीले नियन्त्रणमा लिएको छ । धादिङको सिद्धलेक गाउँपालिका ३ गैरिगाउँ बस्ने ३८ वर्षीय चेत बहादुर विसुङ्केलाई ट्राफिक प्रहरीले नियन्त्रणमा लिएको हो ।
बागमती प्रदेश-०२-०३१ प ०६६८ नम्बरको मोटरसाइकल सहित विसुङ्खे शंकाष्पद अवस्थामा आज अपरान्ह ४ बजे फेला परेका थिए । चेक गर्दा उक्त मोटरसाइकलको वास्तविक नम्बर बागमती प्रदेश- ०२- ०४१ प ९३७८ भएको खुल्न आएको थियो ।
सोही मोटरसाइकल खोजतलासको लागि काठमाडौँकै टोखा ७ राम मन्दिरका जसवीर तामाङले घरबाट हराएको भनी काठमाडौँ उपत्यका ट्राफिक प्रहरी कार्यालयमा निवेदन दिएका थिए ।
नियन्त्रणमा आएका विसुङ्केलाई अनुसन्धान तथा कारबाहीका लागि प्रहरी वृत्त महाराजगञ्ज पठाइएको काठमाडौँ उपत्यका ट्राफिक प्रहरी कार्यालयका प्रहरी वरिष्ठ उपरीक्षक जीवन कुमार श्रेष्ठले जानकारी दिए ।
