काठमाडौं । नेपाल प्रहरीका हवल्दार चक्रबहादुर शाही लुटपाटमा संलग्न भएको भन्दै पक्राउ परेका छन् । बानेश्वर वृत्तमा कार्यरत उनलाई लुटपाटको अभियोग छ ।
जिल्ला प्रहरी परिसर, काठमाडौंले उनलाई बुधबार पक्राउ गरेको हो । डलर साट्ने नाममा ठगी गर्नेलाई लुटेको अनुसन्धानमा खुलेपछि उनी पक्राउ परेका हुन् । करिब पाँच लाख रुपैयाँ उनले लुटेको खुलेको छ । यसमा अन्य प्रहरीको समेत मिलमेतोको आशंका गरिएको छ ।
