काठमाडौं : नेकपाका महासचिव नेत्र विक्रम चन्द ‘विप्लव’ आज साँझ नेकपा एमालेका अध्यक्ष केपी शर्मा ओलीसँग छलफल गर्न बालकोट पुगेका छन्। नेकपाका प्रवक्ता खड्गबहादुर विश्वकर्मा प्रकाण्डलाई लिएर विप्लव ओली निवास पुगेका हुन्।
विप्लव माओवादी केन्द्र, एकीकृत समाजवादी, जसपा र नेकपा सहभागी रहेको समाजवादी मोर्चाको संयोजक हुन्। उनी गत फाल्गुण ६ संयोजक चयन भएका हुन्। नेकपा एमालेलाई समाजवादी मोर्चामा सहभागी बनाउने लगायतका समसामयिक राजनीतिक विषयमा छलफल गर्न उनी गएका हुन्।
चार/चार महिनामा आलोपालो नेतृत्व सम्हाल्ने सहमति अनुसार यसअघि एकीकृत समाजवादीका अध्यक्ष माधवकुमार नेपालले सम्हालेका मोर्चाको संयोजक थिए। नयाँ सत्ता समिकरण बनेसँग वामपन्थीको एकता गर्नुपर्ने भन्दै दलहरुबीच छलफल चलिरहेको छ।
