काठमाडौं । अहिले नेपाली कांग्रेसको पदाधिकारी तथा पूर्व पदाधिकारीहरुको बैठक पार्टी सभापति शेरबहादुर देउवाको निवास बुढानीलकण्ठमा बैठक जारी छ ।
यसैबीच सोमबार संसद् भवनबाट बाहिरिने क्रममा सञ्चारकर्मीले नेकपा (एमाले)का अध्यक्ष केपी शर्मा ओलीले प्रधानमन्त्री बन्ने चर्चा छ, शपथ कहिले हो ? भन्दै
सोधेको थियो । जवाफमा उनले यस वर्ष आफू प्रधानमन्त्री बन्नेजस्तो नलागेको बताएका छन् । उनले भने, यस वर्ष त त्यस्तो लाग्दैन त मलाई ।”
तर, बाहिर चर्चा धेरै हुनु राम्रो भएको उनको भनाइ छ ।
गएको शनिबार नेपाली कांग्रेसका सभापति शेरबहादुर देउवा र ओलीबीच भेट भएपछि गठबन्धन परिवर्तनको चर्चा भइरहेको छ । सत्ता समीकरण फेरिनसक्ने चर्चाबीच बोलाइएको कांग्रेसको बैठकलाई चासोका साथ हेरिएको छ ।
