काठमाडौँ । राष्ट्रिय स्वतन्त्र पार्टी (रास्वपा) को असार १९ गते बिहान केन्द्रीय समितिको बैठक बस्दैछ । उक्त बैठक प्रत्यक्ष प्रसारण(लाइभ) गर्न महामन्त्री मुकुल ढकालले सभापति रवि लामिछानेलाई प्रस्ताव गरेका छन् ।
‘बैठक लाइभ गर्न मैले सभापतिलाई आग्रह गरेको छु । गर्ने वा नगर्ने केही केही भन्नुभएको छैन,’ ढकालले भने । बुधवार बस्ने केन्द्रीय समिति बैठकमा महामन्त्री ढकालको समीक्षा यात्राबाट तयार गरेको प्रतिवेदनमाथि छलफल हुने एजेन्डा छ ।
गत बुधवार महामन्त्री ढकालले गत जेठ ६ गतेदेखि असार ५ गतेसम्म एक महिना ३८ जिल्ला पुगेर तयार पारेको प्रतिवेदन सभापति लामिछानेलाई बुझाएका थिए ।
