काठमाडौँ । बुटवलको मिलनचोकमा रहेको डेल्टा कम्प्लेक्समा आगलागी भएको छ ।
बिहीबार साँझ लागेको आगलागी निभाउन प्रयास भइरहेको इलाका प्रहरी कार्यालय बुटवलका प्रमुख प्रहरी नायब उपरिक्षक डिएसपी विजयराज पण्डितले जानकारी दिए।
उनका अनुसार डेल्टा कम्प्लेक्सको चौथो तल्लामा आगलागी भएको हो।
‘उक्त कम्प्लेक्समा नेपाली जुत्ताघर, लुगाघर, पठनपाठन, खेलकुद, खाद्यान्न लगायतका सामाग्रीहरुका पसल छन्,’ उनले भने, ‘डेल्टाकाे सबैभन्दा माथिल्लो तल्लाबाट आगाेकाे ज्वाला निस्केर आगलागी भएको रहेछ।’
अहिले आगलागीका कारण मिलनचोक क्षेत्रको आकाश धुँवाकाे कालाे मुस्लोले भरिएको छ।
