काठमाडौं । ‘सहकारी संस्थाको बचत रकम अपचलन सम्बन्धमा संसदीय छानबिन समिति’को पहिलो बैठक बस्दै छ ।
पहिलो बैठक आज (बुधबार) २ बजे (प्रतिनिधि सभाको बैठकलगत्तै) सभामुखको उपस्थितिमा संसद् भवन बानेश्वरस्थित शंकर हलमा बस्दैछ ।
उपप्रधान तथा गृहमन्त्री रवि लामिछानेमाथि सहकारीमा बचत रकम दुरुपयोग गरेको प्रश्न उठेपछि छानबिन समिति गठन भएको छ ।
समितिमा सूर्य थापा, ईश्वरी सुवेदी, ध्रुवबहादुर प्रधान, बद्री पाण्डे, लेखनाथ दाहाल, शिशिर खनाल र सरिता भुसाल सदस्य छन् ।
समितिलाई तीन महिनाको अवधि दिइएको छ ।
