काठमाडौं । जोन्टा क्लब काठमाडौंले सामाजिक, आर्थिक, सांस्कृतिक र राजनीतिक क्षेत्रहरूका उत्कृष्ट १० जना महिलालाई सम्मान गरेको छ । ‘पहेँला गुलाब दिवस’को कार्यक्रममा जोन्टा क्लब काठमाडौंले लैंगिक समानतामा काम गर्ने उनीहरूलाई सम्मान गरेको हो ।
बन्दना राणालाई राजकुमारी हेलेन शाह प्रेरणादायक महिला वर्ष पुरस्कार २०२४, सुनिता डंगोललाई अमर राणा जेम चेन्जर पुरस्कार २०२४, सरिस्मा बस्नेत र प्रेरणा सापकोटालाई ज्योति छात्रवृत्ति पुरस्कार २०२४ अवार्डबाट सम्मान गरिएको छ ।
यस्तै, खुसी श्रेष्ठ र दीप्ति गौतमलाई इन्द्रकला छात्रवृत्ति पुरस्कार २०२४, अनसङ शेर्पा, मैया श्रेष्ठलाई फोटोग्राफर, सुनिता कोइरालालाई बाइक मेक्यानिक, यशोधरा थापालाई पाइलट प्रशिक्षक र रजनी श्रेष्ठलाई बडीविल्डर अवार्डबाट सम्मान गरेको छ ।
साथै, जोन्टा क्लब काठमाडौंले हिंसाबाट पीडित भएकाहरूलाई कानुनी सेवा दिने वकिलहरूको पहिचान गरेर सम्मान पनि गरेको छ ।
