काठमाडौं । नेकपा एमालेका अध्यक्ष केपी शर्मा ओलीले राजनीतिक क्षणिक स्वार्थ र लाभका लागि गर्नु नहुने बताएका छन् ।
बिहीवार सुनसरीमा आयोजित एक कार्यक्रमलाई सम्बोधन गर्दै उनले यस्तो बताएका हुन् । राजनीति देश, जनता र सत्य स्थापनाका लागि हुनुपर्ने उनको भनाइ छ ।
ओलीले कांग्रेसले संसद्मा उपप्रधान एवं गृहमन्त्री रवि लामिछानेमाथि सहकारी ठगीको आरोप लगाउँदै संसद अवरूद्ध गरिरहेको र एउटा पात्रका विरूद्ध खनिएको भन्दै आपत्ति जनाए ।
कांग्रेस जस्तो पार्टी रवि लामिछानेको विरूद्धमा खनिनु भनेको भँगेरा मार्न तोप बोकेर जानु सरह भएको टिप्पणी गरे ।
उनले लामिछाने राजनीतिमा आएको एक वर्ष भएको बताए ।
कांग्रेसले अघिल्लो दिन प्रधानमन्त्रीमा प्रस्ताव गर्ने र पस्ताव नमानेपछि सहकारी ठगको आरोप लगाउने अर्घर्ल्याईं गरेको आरोप लगाए ।
