प्रमुख प्रतिपक्षी दल नेपाली कांग्रेसले राष्ट्रिय सभा बैठकमा अवरोध गरेको छ।
सरकारले ल्याएको नीति तथा कार्यक्रमको धन्यवाद प्रस्ताव प्रस्तुत गर्न बसेको राष्ट्रिय सभा बैठकमा कांग्रेस सांसदहरूले अवरोध गरेका हुन्।
प्रतिनिधिसभा बैठकमा पनि सोही माग राखेको भन्दै राष्ट्रिय सभा पनि चल्न नदिने कांग्रेसले बताएको छ। राष्ट्रियसभा अध्यक्ष नारायण दाहालले धन्यवाद सभा मात्रै भएकाले बैठक चल्न दिन आग्रह गरेका थिए।
