काठमाडौं । सरकारले ‘मिडिया साक्षरता अभियान’ सञ्चालन गर्ने घोषणा गरेको छ ।
मङ्गलबार काठमाडौंको नयाँ बानेश्वरस्थित सङ्घीय संसद् भवनमा दुवै सदन (प्रतिनिधिसभा र राष्ट्रियसभा) का सदस्यसमक्ष सरकारको तर्फबाट नीति तथा कार्यक्रम सार्वजनिक गर्दै राष्ट्रपति रामचन्द्र पौडेलले यसबारे जानकारी दिएका हुन् ।
यस्तै मातृभाषामा आधारित ग्रामीण पत्रकारितालाई प्रवर्द्धन गर्ने, सामाजिक सञ्जालको प्रयोगलाई मर्यादित र व्यवस्थित तुल्याइने घोषणा गरेको सरकारले आमसञ्चार क्षेत्रको व्यावसायिक विकासका लागि नीतिगत, कानूनी र संरचनागत सुधार गर्ने जनाइएको छ ।
