ललितपुर । ग्वार्कोमा आगलागी हुँदा एकै परिवारका पाँच जना घाइते भएका छन् ।
ललितपुर महानगरपालिका–१७ स्थित एक टहरोमा आज बिहान आगलागी हुँदा पाँच जना घाइते भएका हुन् ।
घाइते हुनेमा सन्जय गिरी उनकी श्रीमती रुपा गिरीसँगै उनीका १५ वर्षीय छोरा नित गिरी, ८ वर्षीया छोरी प्रिया र ३ वर्षीया छोरी एलिसा छन् । उनीहरुलाई उपचारका लागि किस्ट अस्पताल पठाइएको जिल्ला प्रहरी परिसर ललितपुरका एसपी तथा प्रवक्ता नरेशराज सुवेदीले जानकारी दिए ।
अहिले आगो नियन्त्रणको प्रयास भइरहेको छ ।
