एमालेको सचिवालय बैठक आइतबार बस्दै,के छ छलफलको विषय ?

काठमाडौँ । सत्तारुढ दल नेकपा (एमाले) ले सचिवालय बैठक बोलाएको छ । बैठक आइतबार ललितपुरको च्यासलस्थित एमाले केन्द्रीय कार्यालयमा बस्ने भएको छ ।

एमाले केन्द्रीय कार्यालयका सचिव डा.भीष्म अधिकारीका अनुसार बैठकमा राष्ट्रिय महाधिवेशन प्रतिनिधि परिषद् बैठकको तयारी, नेकपाको ७५ औँ स्थापना दिवस, यही वैशाख १५ गते हुने उपनिर्वाचनलगायत समसामयिक राजनीतिक विषयमा छलफल हुनेछ ।