काभ्रे । अविरल वर्षाका कारणले अवरुद्ध भएको काभ्रेको भकुण्डेवेशीबाट तिमाल खैरेनीहुँदै मध्येपहाडी राजमार्ग भएर रामेछापको सित्खा पुलबाट सुनकोशी नदी पार गरि बीपी राजमार्ग निस्कने छोटोदुरीको वैकल्पिक सडक आजबाट संचालनमा आएको छ ।
तेमाल गाउँपालिका अध्यक्ष, उपाध्यक्ष, वडाध्यक्ष र पालिकाका कार्मचारीको सक्रियतामा सिविबार साँझसम्ममा सडक सरसफाइ तथा मर्मत गरेर सञ्चालनमा आएको हो ।
भकुन्डेबेसीबाट तेमाल खैरेनीबाट सित्खासम्म करिब ३५ किलोमिटर र सित्खाबाट खुर्कोट २० किलोमिटर दुरी रहेको छ ।
यो सडक शनिबारबाट नै नै मोटरसाइकल र साना सवारीका लागि सडक खुलिसकेको र आजबाट यात्रुसवाहक बस सञ्चालनमा आउने तेमाल गाउँपालिकाका अध्यक्ष चन्द्रबहादुर तामाङको सचिवालयले जनाएको छ ।
बाढी पहिरोको कारण तेमाल गाउँपालिकाका वडा जोड्ने सबै सडकमा क्षति पुगेको छ, भने तेमालबाट काठमाडौँ जोड्ने सडकमा डाँडागाउँ र बोहोरेदोभान बाट पर्सेल जोड्ने सडक पनि अवरुद्ध भएको थियो । यो सडक पनि आतबारदेखि नै सञ्चालनमा ल्याउने गरि काम गरिएको अध्यक्षको सचिवालयले जानकारी दिएको छ ।
भकुण्डेवेशीबाट बीपी राजमार्ग भएर खुर्कोट पुग्न ५९ किलोमिटर छ भने तिमाल हुँदै खुर्कोट पुग्न ५५ किलोमिटर मात्रै छ । यता बीपी राजमार्ग अन्तर्गत नेपालथोक-धुलीखेल खण्डमा अस्थाइ सडक निर्माण जारी छ ।
तेमाल गाउँपालिका अध्यक्ष चन्द्र लामा सहितको टिम अहिले फिल्डमा खटेर जनताको दुखमा साथ दिइरहेका छन् ।
Share this:
