इरानका एक युवा र्यापरलाई मृत्युदण्डको सजाय सुनाइएको छ। सरकार विरोधी प्रदर्शनको समर्थन गरेबापत उनलाई यो सजाय सुनाइएको हो ।
सन् २०२२ मा महसा अमीनीको प्रहरी हिरासतमा मृत्यु भएपछि विरोध प्रदर्शन सुरु भएको थियो । त्यसक्रममा यी र्यापर तूमज सालेहीले आफ्नो गीतमार्फत समर्थन गरेका थिए। सालेहीलाई पहिलो पटक अक्टोबर २०२२ मा गिरफ्तार गरिएको थियो। त्यतिबेला उनले प्रदर्शनकारीको समर्थनमा बोलेका थिए।
२०२३ मा उनलाई ६ वर्ष ३ महिनाको जेल सजाय सुनाइएको थियो। बीबीसीका अनुसार अहिले फेरि उनलाई भ्रष्टाचार, सरकारविरुद्ध प्रोपोगाण्डा फैलाएको तथा दंगा भड्काएको आरोपमा दोषी ठहर्याइएको छ।
मृत्युदण्डको सजायविरुद्ध पुनरावेदन गर्न उनीसँग अब २० दिनको समय छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
Share this:
